མ་ཡུམ་བྷུན་ཏར།

གནས་འདིར་འབྱོར་ནས་བདུན་ཤས་ཕྱིན།
ཚ་བའི་མནར་གཅོདེ་ལྷད་མེད་གཏོང།
ནད་གཞི་འདྲ་མིན་ལུས་པོར་ཟུགས།
ཟུགས་པས་ཡིད་ཆུང་དེ་དག་གི།
མ་ཡུམ་བྷུན་ཏར་སྷག་པར་དྲན།
                                         ཐབ་ཆུང་མེ་ཚར་འཚོ་བས་ཁྱིམ་གཞི་ནང།
                                         ཕན་ཚུན་ངོ་ཤེས་སྙིང་གཏམ་བརྗོད་པར་བྱེད།
                                         འདི་གར་ཝར་ན་འབྱོར་བས་དུས་སྐབས་ནས།
                                         ཚང་མ་ག་ཆ་འདི་ཆ་མེད་པར་འགྱུར།
                                         དུས་བཟང་དེ་རྣམས་ཕྱིར་དྲན་བྱེད་འགྱུར་ན།
                                         མ་ཡུམ་དྲིན་ཆེན་བྷུན་ཏར་ཤིན་ཏུ་དྲན།
ཁྱིམ་གཞི་ཆུང་ནས་ཁྱིམ་ཚང་ཆེ་རུ་སྤོས།
མཉམ་བཟའ་མཉམ་བསྡད་བྱ་རྒྱུ་དུས་ཡང་མེད།
པུང་པ་མཉམ་ཤིབ་བྱེད་རྒྱུ་གོ་སྐབས་དོར།
ཨ་ཙི་མ་ཡུམ་བྷུན་ཏར་ཧ་ཅང་དྲན།
                                         ལས་འབྲས་ངན་པ་དེ་འདྲ་ག་འདྲ་རེད།
                                         བྱ་བ་ཐམས་ཅད་མི་ཚར་ཅི་བྱེད་རེད།
                                         ད་དུང་དུས་ཡུན་ཇི་ཙམ་གནས་དགོས་རེད།
                                         མ་ཡུམ་བྷུན་ཏར་མཐོང་འདོད་ཞེ་དྲག་འདུག།
ཁྱེད་ཚོས་རྐྱང་པས་མཐུན་རྐྱེན་བཟང་ལ་སྨྲོས།
ཁྱེད་ཚོས་གནང་པས་སྡོད་ཁང་སྐྱིད་ལ་སོང།
ཡིན་ཡང་ང་ཚོར་དགོས་པས་དགོས་མཁོ་དེ།
ཁྱེད་ཚོས་བརྩེ་སེམས་ཟབ་མོ་དེ་རང་ཡིན།
                                         ནམ་ཡང་གཅིག་པོ་བཞག་པ་མ་གནང།
                                         ནམ་ཡང་ལོགས་སུ་རྩིས་པ་མ་གནད།
                                         ནམ་ཡང་ཕྱིར་ཕུད་བྱེད་པ་མ་གནང།
                                         ང་ཚོ་ཁྱེད་ཀྱི་ཁྱིམ་གཞི་ཆུང་ཞིག་རེད།
                                         ཁྱིམ་ཚང་ཆུང་མང་མཉམ་འཛོམས་བྱེད་རྒྱུར་ན།
                                         ཕུན་ཚོགས་བདེ་ལེགས་འབྲེས་བུ་སྨིན་པར་བྱེད།

ཡིན་ཡང་མ་ཡུམ་བྷུན་ཏར་ཕྱིར་བསྟས་བྱེད་པས་སྐབས།

ལོག་འདོད་ཡིད་ལ་སྷང་སྷང་ཤར་ནས་འདུག།

རང་སེམས་རང་གི་མི་ཁོག་བྱེད་ཐབས་བྲལ།

མ་ཡུམ་བྷུན་ཏར་ཁོ་ནར་དྲན་ནས་ངུས།

སྐྱིད་པའི་བྷུན་ཏར་མཐོ་སློབ།